Gintawag ni anay presidential spokesperson Harry Roque nga wala sing pulos ang kaso nga ginpasaka batok sa iya sang National Bureau of Investigation (NBI).
May kahilabtanan ini sa pagpagwa kuno sang polvoron video nga nagalambot kay Presidente Ferdinand Marcos Jr. nga ginatudlo nga nagagamit sang iligal nga droga.
Dugang pa ni Roque nga mapamatud-an nila nga wala gin-edit ukon gin-doktor ang video bangud ini ginsailalom sa imbestigasyon sang pila ka eksperto sa paghimo sang video halin sa iban nga pungsod.
Nadumduman nga ginkasuhan si Roque sang sedition bangud kuno sa iya panawagan nga mag-alsa kag patalsikon ang gobyerno.
Samtang si Claire Contreras ukon Maharlika, ginkasuhan sang Unlawful Use of Means of Publication and Unlawful Utterances, Inciting to Sedition, Cyber Libel, kag Computer-Related Forgery.
