Gin-anunsyo sang Malacañang nga ang mga empleyado sang gobyerno pwede magtrabaho sa balay halin alas 8 sang aga tubtob alas 12 sang udto sa Miyerkules Santo, Abril 16, 2025. Pagkatapos sini, suspendido na ang trabaho sa hapon.
Sa Memorandum Circular No. 81 nga ginpagwa sang Palasyo, ginpahayag nga ini nga arrangement ginpatuman agud hatagan sang oportunidad ang mga empleyado nga magpreparar kag mag-obserbar sang Semana Santa, kag makabiyahe pauli sa ila mga probinsya.
Apang, ang mga ahensya sang gobyerno nga naga-deliver sang basic kag health services, disaster response, kag iban pa nga vital services, padayon nga mag-operate suno sa ila regular nga working arrangements.
Para sa mga pribado nga kompanya, ila na ini desisyon kon magpahamtang man sang work-from-home ukon mag-suspend sang operasyon sa Miyerkules Santo.
