Ginlunsad sang Commission on Elections (COMELEC) sang Domingo, Abril 13, 2025, ang una nga internet voting para sa mga overseas Filipino voters, bisan pa nga may ginapangatubang nga petisyon sa Korte Suprema nga naga-question sa legalidad sini.
Ang online voting magapadayon tubtob Mayo 12, 2025, nga amo man ang adlaw sang eleksyon sa Pilipinas.
Ang mga rehistrado nga botante sa 77 ka foreign posts, lakip na ang Estados Unidos, Canada, Australia, Japan, South Korea, kag pila ka European countries, mahimo na magboto online gamit ang smartphone, computer, ukon tablet nga may internet connection.
Apang, para sa 16 ka foreign posts nga wala pa sang online voting system, lakip na ang China, Russia, Turkey, Iran, Iraq, Syria, kag Libya, ang mga botante kinahanglan gihapon magboto personal sa embahada ukon konsulado.
Suno kay COMELEC Chair George Garcia, sa 1.241 milyones nga rehistrado nga overseas Filipino voters, 47,976 pa lang ang naka-enroll sa pre-voting enrollment system sang Abril 13.
Ang enrollment para sa internet voting magapadayon tubtob Mayo 7, 2025.
Ginpasiguro man sang COMELEC nga protektado ang online polling systems para sa 2025 midterm elections.
