Ginakakas na subong ang mga campaign materials nga wala ginbutang sa mga common poster areas sang mga otoridad bilang kabahin sang Operation Baklas kag wala ini sang pabor pabor.
Ini ang pahayag ni Atty. Maleiha Usman Loong ang City Comelec Officer sa interview sang Bobmo Radyo Koronadal.
Suno saiya, ginakakas ang mga poster kag tarpaulin nga wala sa designated nga lugar kag ginakilala man ang mga nagalapas sang patakaran bisan pa naka-post sa common poster areas.
Sa pihak nga bahin, ang mga campaign materials nga ginbutang sa mga private properties, indi pa sigurado kun may pahibalo ang tag-iya.
Ang problema, may mga kaso nga nagasabit na ini sa mga kable sang kuryente kag ginakabig nga public hazard.
Durante sang Operation Baklas, madamo ang nagareklamo, apang ginpahayag sang mga otoridad nga patas kag pareho ang pagpatuman sang pagtanggal sang campaign materials wala sang Pagpaborpabor.
Padayon ang panawagan sang COMELEC sa mga kandidato kag supporters nga sundon ang patakaran agud malikawan ang disgrasya kag indi maglapas sa election rules.
