Nagapabilin sa gihapon nga Drug Consuming Region ang Rehiyon Dose sa pihak sang masako kag madamo nga operasyon sang Philippine Drug Enforcement Agency Region-12 batok sa mga naga usar kag naga baligya sang illegal nga druga sa bilog nga rehiyon.
Ini ang nangin pahayag ni Ms. Kath Abad-PDEA 12 Spokeperson sa interview sang Bombo Radyo Koronadal.
Suno sa opisyal, ginkonsidera sang mga ini nga Drug Consuming Region ang SOCCKSARGEN bangud wala man sang may na monitor ang mga ini nga ginahimuan sang illegal nga droga sa sulod sang ila nga Area of Responsibility.
Ginpahayag man sini nga padayon ang ginahimo sang mga ini nga pagpatigayon sang drug clearing operation sa mga barangay sa Koronadal agud mangin Drug cleared na ang mga kag makakas ang mga illegal nga aktibidad sang illegal ga droga sa mga purok kag barangay.
Nagpanawagan man ini sa tanan nga residente nga padayonon ang kooperasyon sang mga ini agud nga epektibo nga pakigbatuan ang paglapta sang illegal nga droga nga mahimo man nga magtuga sang krimen kag malain nga butang sa mga residente sa isa ka lugar.
