Arestado sang pinagsanib nga puwersa sang militar kag pulisya ang yara sa 17 miyembro sang armado nga grupo makaligad mapunggan ang paghana nila nga pagsabotahe sa probinsya sang Maguindanao del Sur.
Ini ang kasunod sang gintigayon nga joint operations sang Army’s 90th Infantry Battalion, Ampatuan Municipal Police Station kag Provincial Mobile Force Company sang Maguinandao Provincial Police Office sa Brgy. Kapinpilan, banwa sang Ampatuan.
Suno kay 90th IB Chief, LtCol. Loqui Marco, nagresulta ang nasambit nga operasyon sa pagkarekober sang matag-as nga kalibre sang armas nga ginkalakipan sang M16 kag apat nga M14 rifles amo man sang Improvised Explosive Device (IED).
Liwat man nga nagpanawagan si Army’s 6th Infantry Division kag Joint Task Force Central Commander, MGen. Donald Gumiran sa publiko nga isugid sa ila ang bisan ano nga maka-duluda nga mga aktibidad nga posible magin banta sang ila nga komunidad.
