Patay ang isa ka babae nga negosyante sang ginpamusil-patay ini sa bahin sang Barangay San Isidro, siyudad sang Koronadal alas-7 sang gab-i, Marso 9, 2025.
Ginkilala ang biktima nga si Myla Lazaga Chavez, nga yara sa 40 tubtob 50 nga pangedaron, isa ka negosyante sang bulang kag feeds.
Suno sa imbestigasyon, may baklon lang kuntani ang biktima sa isa ka tindahan sang hinali ini ginpalukpan mga suspek nga nakabantay na suno pa sa tindahan.
Diretso naman nga gin tiro-patay ini sa ulo.
Suno naman kay alyas “Te” isa ka bystander nga nakakita, madasig naman nga nakapalagyo ang mga suspek sa hindi mabal-an nga direksyon.
Suno naman kay Hon. Mark Aguirre, Punong Barangay Brgy. San Isidro sa interbyu sang Bombo Radyo Koronadal, makitaan naman nga personal grudge ang motibo bangud madugay na ini nga gina obserbahan sang mga suspek.
Sa karon, padayon ang ginahimo nga imbestigasyon sang mga otoridad sa pagkakilan-lan sang mga nasambit nga suspek.
