Una nga bulawan nga medalya sang syudad sang Koronadal sa SRAA Meet 2025 ang nakuha ni Philip James Gestosani, isa ka 15-anyos nga atleta halin sa Barangay San Jose, sa event nga long jump.
Ginatraining ini Coach Renato Bora sang Team Koronadal Athletics, wala naglaum nga magdaog sang bulawan bangud ang iya pangunahon nga training nagatutok sa sprint.
Suno kay Gestonsani, Wala ginpaabot nga gold medal ang iya makab-ot bangod puro sprint ang iya nga training.
Suno naman kay Coach Bora, bata pa lang nga edad, nagumpisa na ang iya training, kag ginhulat pa suno nila nga maging potensyal nga atleta para sa SRAA.
Sa ginpatigayon nga kompetisyon sang alas 6 sang aga, nakabig ni Gestosani ang kadalag-an sa ikatlo nga paglukso niya nga may distansya nga 6.43 meters, mas taas sang gamay sa ikaduha nga paglukso niya nga 6.40 metros. Ang iya una nga paglukso, na-foul.
Ini nga kadalag-an nagahatag inspirasyon sa Team Koronadal, kag nagahatag paglaum sang mas madamo pang medalya para sa syudad sa masunod nga mga adlaw sang kompetisyon.
