-- ADVERTISEMENT --
Isa ka engkwentro sa tunga sang duha ka grupo sang Moro Islamic Liberation Front (MILF) ang nagluntad sa bahin sang Barangay Macabual, Tugunan, SGA-BARMM.
Suno sa otoridad ang grupo ang ginapangunahan ni Kundutoy nga isa ka miyembro sang MILF-National Guard batok sa sa grupo ni Apang Abdulkarim sang 118th Base Command-MILF.
Nag-umpisa suno pa ang engkentro sang duha ka grupo sang napatay si Commander Badboy ukon Pli Zacaria Abdulkarim sang 118th Base Command sini lang gabi sang Sabado, March 1.
Nagapati ang Militar nga nagbalos sang grupo ni Apang Abdulkarim batok sa grupo ni Kunduntoy amo ang nagtuga sang engkwentro sang duha ka grupo.
Sa karon, gina-monitor na sang militar kag PNP ang sitwasyon sang nasambit nga lugar.
