-- ADVERTISEMENT --
Nasunog ang isa ka ancestral house sa Brgy. San Felipe, Tantangan, South Cotabato, subong nga adlaw Pebrero 18, 2025, pasado alas 12 sang udto.
Ini ang ginkumpirma ni Junerey Osano, hinablos sang tag-iya sang nasambit nga balay.
Suno kay Junerey, wala ini nakahibalo kun ano ang gintunaan sang sunog apang, nakit-an na nila nga nasunog na ang punta nga kwarto nga may sofa kag aparador kag bangod sa light materials ang nasambit nga balay, madasig nga naglapta ang sunog sa kisame.
Sa inisyal nga impormasyon, wala man sang may napilasan sa nasambit nga sunog.
Sa karon, padayon pa ang imbestigasyon sang BFP Tantangan kun ano ang gintunaan sang sunog kag pila ang danyos sang nasambit nga balay.
