Balik na sa normal nga sitwasyon sang masobra 300 ka pamilya sa mga barangay sang Libutan kag Liab sa Mamasapano, Maguindanao del Sur matapos mag-ibwal ang engkwentro sa tunga sang armado nga grupo.
Ini ang gin kumpirmar ni Lt. Colonel Roden Orbon, ang spokesperson samh 6th Infantry Division PH Army sa exclusive interbyu sang Bombo radyo Koronadal.
Suno kay Orbon, nag umpisa ang away sa tunga sang duha ka grupo bangud gin luthang-patay ang hinablos ni Commander Dagadas nga si alias ‘Tro’ sang isa ka indibidwal halin sa grupo ni Ali Akbar.
Gani nagbalos ang grupo ni Dagadas, nga nagresulta sa pila ka minuto nga bakbakan.
Nagresulta ini sang kahadlok kag pag bakwit sang masobra 300 ka mga pamilya. Gin pasiguardo naman ni Lt. Col. Orbon nga nakabalik na sa ila mga panimalay ang mga apektado nga residente, kag yara na sang settlement nga gin plastar sa tunga sang duha ka grupo.
Padayon gyapon ang coordination sang mga tropa sang militar sa mga nasambit nga grupo agud masungka sini ang ila mga loose firearms.
Sa dugang, padayon gihapon ang pagpasangkad sang mga militar sang peace and order sa nasambit nga lugar kag id-id nga monitoring and surveilance sa mga comelec checkpoint agud indi maka lusot ang mga lawless elements
