Patay ang 60-anyos nga amay matapos ini ginbuno-patay sang iya kaugalingon nga bata sa Purok Tisa, Barangay Talandang, Tugbok District, Davao City, sang Pebrero 4, 2025, mga alas-7 sang gab-i.
Suno sa imbestigasyon, ang biktima ginkilala nga si “Rolando,” kag ang suspek amo ang iya bata nga si “Ray,” 26-anyos.
Base sa imbestigasyon, halin suno pa sa birthday party ang mag-amay.
Pag-abot sa puluy-an sang utod sang suspek, hinali lang nga nagkakomosyon ang nasambit nga biktima kag suspek.
Suno naman sa kapitbahay nila nga si “Eliza,” nabatian niya ang gahod kag nakit-an na nga may dugo sa lawas ang suspek nga nagguwa sa balay.
Suno pa kay Ray, iya ginbuno ang iya nga amay bangud gin-unahan ini antes niya gin haboy ang iya gingamit nga pangbuno amo ang binangon.
Apang suno sa 14-anyos nga apo sang biktima, si Ray mismo ang una nga nagpilas sa iya kaugalingon.
Sa karon, nagapaayo si Ray sa balay bululngan bangod sa mga naangkon nga pilas samtang padayon pa ang imbestigasyon sang mga otoridad sa nagluntad nga pag pamuno-patay.
