Nag-umpisa na ang preparasyon para sa SRAA 2025 nga pagahiwaton diri sa syudad sang Koronadal sa petsa humalin sa Marso 3, 2025.
Ini ang ginkumpirma ni Theresa Hallegado, Information Officer Schools Division of South Cotabato sa interview sang Bombo Radyo Koronadal.
Suno saiya, subong nga adlaw, Enero 31, 2025 may yara sang enhancement training kag accreditation courses para sa aspiring technical officials para sa SRAA 2025.
Dugang pa niya, magahalin ang mga delegations sa apat ka siyudad kag apat nga probinsya.
Ginpasiguro niya man nga preparado ang aton siyudad kag ang LGU, Schools Divisions, kag mga kaupdanan pa sa pag preparar sang aktibidad.
Iya man ginkumpirma nga may pagbag-o sa technical guidelines kag subong man nga adlaw igaorient sa mga technical officials.
Nagapanawagan man si Hallegado sa mga stakeholders kag mga buluthuan nga maghatag sang suporta para sa pag patigayon sang SRAA meet 2025.
