Nagpaathag sa subong ang utod sang driver sang gray nga van nga una na nga gin-alegar nga nagpondo kag suno pa naghana nga magpalapit sa isa ka 11-anyos nga bata sa bahin sang Purok Rizal, Barangay San Jose, Koronadal City kagab-i, Enero 20, 2025.
Suno kay Lilibeth Panes, utod ni Arnel Mendoza Ariel,residente sang Purok Malipayon, Barangay Palavilla, Lutayan, Sultan Kudarat nga driver sang amu nga van
Suno sa iya, gin-usar ni Arnel Mendoza ang van agud nga guyuron ang isa pa ka salakyan agud nga ipakay-o sa isa ka mekaniko sa bahin sang Barangay San Jose, Koronadal City bangud kaiping man lang sini ang Barangay Palavilla, Lutayan, Sultan Kudarat.
Dugang pa sini nahaponan suno pa si Arnel Mendoza sa nasambit nga lugar kag nagpangita sang makaun nga Lomi ukon balut upod ang mga kaupdanan sini kag sang sa tion na nga ara na sila naga agi sa bahin sang Purok Rizal, Barangay San Jose ,nasundan sang mga ini ang mag-iloy nga una na-alarma sang presensiya sang ila nga van.
Ginpahayag pa sini na naga bike suno pa ang bata apang naghinay-hinay ang van agud nga sawayon ang bata nga naga bike nga magpahigad ini bangud basi mabungguan ini sang salakyan tungod indi ini makita bangud man sa kadulom sang lugar.
Nakibot na lamang suno pa ang sakay sang van bangud gulpi na lamang suno pa nga nag singgit ang bata bangud na mis-interpret sini ang saway sang driver sang van nga magpahigad kag sa baylo, gindumdum sini nga nagpundo ang van agud nga kuhaon ini .
Nakibot nalang ang pamilya sang driver sang van nga naglapta sa social media ang posts kag pati man ang CCTV footage nga napasal-an ang ila nga grupo nga naka sakay sa van nga mga kidnappers.
Nagpaathag naman ang pamilya sang van nga driver nga wala sang malain nga tinutuyo ang ila nga pag-agi sa Barangay San Jose bangud maayo man ang ila nga kabangdanan sa pagpadulong sa lugar.
Sa subong, luyag sang pamilya nga malimpyo ang ila nga pangalan sa tanan nga alegasyon.
