Arestado ang duha ka suspek sa likod sang pagpamusil-patay sa mag-asawa kag sa isa ka manunudlo sa Sultan Kudarat.
Ginkilala ang mga suspek nga sila alyas Oting-oting, 21 anyos may asawa, wala sang trabaho kag residente sang Brgy. Namat Palimbang, Sultan Kudarat kag si alyas Mohaldin, 28 anyos, may asawa, wala trabaho kag residente sang Brgy, Nalilidan Kalamansig, Sultan Kudarat
Gin-aresto ang mga suspek pasado 2:20 sang kaagahon sang Biyernes, Enero 10, 2025 sa Brgy. Sangay, Kalamansig, Sultan Kudarat.
Narekober sa mga ini ang isa ka unit sang Caliber 45 pistol, Norinco 1911 A1 nga may serial number 647521, loaded nga magazine kag anom (6)ka bala; isa ka unit sang Caliber 9mm, DP51 PARA nga may serial number BA005760, magazine nga kargado sang onse ka mga bala, isa ka hand grenade; kag isa nga (1) unit sang cellphone.
Ang duha ang suspek sa pagpamusil patay sa mag-asawa nga Nestor Rondon, 67 anyos coordinator sang Divine Wealth Association kag Marilou Rondon, 60 anyos, Brgy. Health worker, kag lunsay mga residente sang Purok Pag-asa, Brgy. Sangay, Kalamansig, Sultan. kag sa isa ka manunudlo nga si Henry Racho kag hinablos sini nga si alyas Erick sa Lebak, Sultan Kudarat.
Sa karon yara na sila sa kustodiya sang Kalamansig MPS kag maga-atubang sa mga nagaka-angay nga kaso.
