Ginapasiguro sang Department of Health (DOH) nga padayon ang ila pagdawat sang health services benefits halin sa Philippine Health Insurance Corporation (PhilHealth) ang mga miyembro sini sa piyak sang wala ini nga nadawat nga pondo para sa tuig 2025.
ni matapos suno sa mataas nga kapulungan sang Kongreso nga ‘wala sang madawat nga pondo ang ahensya sa 2025 bangod sa P600 billion nga reserve funds sini.
Nagapati man ang health bureau nga trabaho sang PhilHealth nga baydan ang tanan nga health services sang mga miyembro sini bisan pa wala ini sang madawat nga pondo sa General Appropriations Act.
Suno kay DOH Secretary Teodoro Herbosa nga isa sa board chairperson sang PhilHealth, ang benefits sang tanan nga inpatient, outpatient, kaupod na ang special benefit packages sang PhilHealth ang kinanglan masabtan sang ahensya.
Suno sa DOH ang total benefit expenditures sang PhilHealth sang 2023 ang naglab-ot sang P74 billion, samtang sang 2024 ang total expenditures sini halin sang Enero tubtob Setyembre ang naglab-ot sa P135 billion kag kumita ang ahensya sang P463.7 billion sang 2023.
