ISULAN, SULTAN KUDARAT – Panibag-o nga insidente sang pagpangluthang ang nagluntad sa rotonda sang Isulan, Sultan Kudarat subong nga adlaw, Disyembre 2, 2024 pasado 7:45 sang aga.
Ginkilala ang duha ka biktima nga si Engr. Esmael Amaroden Sangki, 38 years old kag taga Kakal Ampatuan Maguindanao kag and driver sini nga si Asmodin Abitan Amelon, 30 anyos nga taga-Barangay Morales, Koronadal City.
Naigo sa ulo ang driver ni Engr. Sangki amo si Amelon nga yara sa kritikal nga kondisyon sa isa ka balay bulolngan sa Sultan Kudarat samtang si Engr Sangki naman ang pilason sa pagpamusil.
Apang, nahibaluan nga ang duha ka kaupdanan sini wala man na igo.
Suno sa nakakita, nakasakay ang biktima sa isa ka salakyan gna pick-up nga ga duag itom nga ginapinagiyahan ni Engr. Sangki kag riding in tandem ang nasambit nga mga suspek nga naka kalo nga itom kag ginpamusil ang biktima sa mismo rotonda sang Isulan, Sultan Kudarat.
Nakit-an man sa nasambit nga lugar ang basyo sang bala sang di pa makilal-an nga armas-luthang.
Sa karon, padayon gihapon ang imbestigasyon sang Isulan PNP kung ano ang motibo sa pag pamusil sa nasambit nga biktima.
