Nagsaka pa ang numero sang Chinese maritime militia kag fishing vessels sa Pag-asa island sa West Philippine Sea sini lang adlaw sang Miyerkules
Base sa monitoring ni US maritime security expert Ray Powell, nagdangat sa 83 ang numero sang na-ispatan nga barko sang China sa nasmabit nga kalalwran.
Una na nga ginpahayag ni Powell nga ila nakit-an ang pag-abot sang tubtob 75 barko sang China sa nasambit isla nga ginakabig nga pinakamadako nga pag-urupdanay sang mga Chinese vessels nga nakit-an sa lugar nga yara sa sulod sang 2.5 tubtob 5.5 nautical miles sang isla nga sulod sa 12 Neutucal Miles nga territorial waters sang Pilipinas.
Sa isa ka panayam, ginpahayag ni Philippine Navy spokesperson for WPS Rear Admiral Roy Vincent Trinidad nga fairly accurate ukon medyo tumpak ang nauna nga obserbasyon ni Powell sa numero sang mga Chinese vessels sa isla bangod ini ang malapit lang sa Subi reef kung sa diin may artificial military base ang China.
Samtang, una na ginpahayag sang PH Navy nga nagapabilin nga banta ang presensiya sang mga barko sang China kabilang na ang ila nga maritime militia, People’s Liberation Army Navy kag Coast Guard nga dugay na nagapabilin sa lugar.
