Nag-angkon sag madamo nga reaksyon ang nagin pahayag ni US president-elect Donald Trump.
Ginpayag sini nga kung makapungko na ini sa pwesto magapataw ini sang 25% nga taripa sa tanan nga mga produkto nga magasulod sa US labi na sa Canada kag Mexico.
Tuyo sini nga maresolba ang mga illegal migrants nga magsulod sa US.
Dugang pa sini may ara sang 10% nga igapataw nga taripa sa mga produkto nga halin sa China agud mabantayan ang pagsulod sang droga labi na sa fentanyl.
Ginpayag man ni Mexican President Claudia Sheinbaum nga ang pagpataw sang madako nga taripa ang indi makaresolba sang problema sa iligil migrants kag ginpasiguro niya nga sila ang magabalos sang pagpataw man sang mga taripa
Gintawgan man ni Canadian Prime Minister Justin Trudeau si Trump matapos ang pahayag niya kag preparado man nga magka “constructive way” nga makatrabaho si Trump.
Samtang ang Chinese embassy sa Washington ang nagapati nga mutually beneficial ang economic kag trade cooperation nila sa US bangod wala sang magdaog sa trade war ukon tariff war.
