KORONADAL CITY – Nagpahayag sang pagsuporta sa maragtason nga Dugong Bombo 2024 ang alkalde sang syudad sang Koronadal.Sa interview sang Bombo Radyo kay Koronadal City Mayor Atty. Eliordo Ogena, ginhatagan sini sang pagpasalamat ang pamunuan sang Bombo Radyo Philippines sa pag hiwat sang isa ka aktibidad parehas sang Dugong Bombo nga makabulig sa mga naga kinahanglan labi na gid sa mga yara sa pigado nga sektor.
Ginpahayag man sang alkalde nga full support ini sa aktibidad nga kada tuig sini nga ginasuportahan.
Gindayaw man sini ang inisyatibo sang Bombo Radyo nga isa ka pribado nga korporasyon nga naga kreer sang pamaagi agud nga makabulig sa mga naga kinahanglan.
Gina-awhag man sini ang tanan nga magpartisipar kag mag donar sang dugo subong nga adlaw agud makabulig sa iban nga mga indibidwal nga naga kinahanglan sang dugo//Madumduman nga masami nga naga pakita sang suporta ang alkalde sa kahiwatan sang Bombo Radyo Koronadal nga Dugong bombo bangud nakahibalo ini nga importante ang tumong sang Bombo Radyo Philippines.
