Magpinsan, patay sa gun-attack sa Sharrif Aguak, Maguindanao del Sur kag nag lab-ot sa 40 ka basyo sang bala sa duwa ka menor de edad samtang yara sa sulod sang ila salakyan sa Brgy. Labu- labu Mother, Shariff Aguak, Maguindanao Del Sur, pasado alas 5:00 sang hapon kahapon sang November 14, 2024.
Ini ginkumpirmar ni PLt.Col. Regie Abellera, hepe ng Shariff Aguak PNP sa interbyu sang Bombo Radyo Koronadal.
Ginkilala sang Shariff Aguak town police chief Lt.Col. Regie Albellera ang duwa nga napatay nga si Johari Moksin at Hamod Moksin nga taga Brgy. Kulalo, Mamasapano, Maguindanao del Sur.
Suno sa imbestigasyon, halin sa Isulan ang salakyan nga ginasakyan sang biktima apang pag abot sa dalanon sang Brgy. Labu Labu Mother, gin dikitan ini sang isa ka puti nga salakyan kag ginpangpamusil sang mga armado nga mga lalaki.
Nakatakas naman ang driver sang mga biktima samtang wala nahimo nga makagawas ang mga biktima sa ginasakyan nga salakyan.
Sa karon, padayon gihapon ang pag imbestigar sang Shariff Aguak PNP ang motibo sang nasambit nga krimen kag amo man ang pag padayon sang hot pursuit operations batok sa mga suspek.
Gin higpitan pa sang mga otoridad ang mga chekpoint pasuld kag pagawas sa Shariff Aguak.
