Nabaligya sa balor nga $900,000 paagi sa auction ang isa ka tumalagsahon nga Pokemon card sang tuig 1998, nga amu ang nagtalana sang bag-o nga record.
Makaligad ang 34 ka mga bids, nabaligya ang Pikachu “Illustrator” Holo promo card sang Goldin, isa ka auction site nga naga-specialize sa mga collectables.
Ang nasambit nga card, ang ginhatagan sang grado nga 7 out of 10 sa bahin sang kalidad sang mga eksperto nga may Professional Sports Authenticator, kag nagtalana sang record para sa isa ka “public sale sang Pokemon card.”
Sandig sa auction listing, 23 lamang ka mga Pikachu “Illustrator” Holo cards ang ginhatagan sang grado sang PSA, kag isa lamang ang may 7 rating nga nagakahulugan nga malakip ini sa collection nga pang world-class ang lebel.
