4 ka balay ang nasunog sa bahin sang Road 2 Sta. Cruz, Brgy. Cannery Site, Polomolok sang Nobyembre 6, 2024 sang hapon.
Ini ang ginkumpirmar ni FO3 Kevin Villena, Fire Investigator sang BFP Polomolok sa interbyu sang Bombo Radyo Koronadal.
FULL VIDEO: https://www.facebook.com/share/v/1Q2qgnLTQs/
Suno kay Villena, nag humalin ang sunog sa isa ka balay nga gina pinagiyahan ni Gerome Serino nga isa ka electrician, una niya nga may nabatian siya nga nag lupok nga kuryente saiya nga second floor amo naga siga na ang iya nga kisame, gintestingan pa ni Serino nga maapula pa ang sunog apang mas madasig ang pagkalat sang sunog bangud light materials sang balay.
Dugang pa niya, 3 sa nasambit nga balay ang fully damaged samtang ang isa naman ang partially damaged kag nakaligtas ang mga kaupod sini nga panimalay bangud sa gin una ini nga gin protektahan sa pag sang BFP Polomolok bangud magka dikit dikit ang mga panimalay sa ginlunsaran sang fire incident.
Suno pa kay Villena, yara sa di makulang 355,000 ang initial nga damage sa apat ka balay.
Nagapanawagan naman si Villena nga maging mahalong sa mga kagamitan sa balay ilabi na sa mga gamit nga nagagamit sang kuryente.
Sa karon padayon gihapon ang imbestigasyon bangud wala pa sang pinal nga report kung sa diin naglunsar ang sunog.
