Ginlampaso sang Dallas Mavericks ang Orlando Magic pinaagi sa 23 ka puntos nga abanse sa final score nga 108-85 sa nagapadayon nga 2024 NBA Regular Season.
Nagbalhag sang 32 ka puntos, 9 ka mga rebound kag may 7 ka mga assist si Luca Doncic para sa Dallas.
Nag-amot man sanday si Kyrie Irving sang 17 ka puntos kag Daniel Gafford nga may 18 ka puntos kag may 8 ka mga rebound.
Samtang, may tag-10 ka puntos naman sanday Moritz Wagner kag Jalen Suggs para sa nalutos nga Magic.
Na-uyatan sa karon sang Dallas sang 4-2 win loss record kag yara sa ika-apat nga pwesto sa Western Conference Division.
Samtang yara naman sa ika-anum nga pwesto ang Magic sa Eastern Conference Division sa ila 3-4 win loss record.
Sa iban pa nga mga resulta sa hinampang subong nga adlaw, Nobyembre, 4, 2024, ginlutos sang Atlanta Hawks ang New Orleans Pelicans sa final score 126-111 kag naperdi man ang Brooklyn Nets sa Detroit Pistons sa final score nga 106-92.
