Kun indi na sa imo ang isa ka tawo, ano ang himuon mo?
Ano ang sarang mo nga mahimo agud nga magbalik siya sa imo?..
Sa Sichuan province sa China, isa ka lalaki ang nagluhod sa gwa sang ulubrahan sang iya nga ex-girlfriend sa sulod sang masobra sa 20 ka oras sa paglaum nga balikan siya sini.
May isa ka lalaki nga naghambal sa iya nga wala na sang pulos ang iya pagluhod bangud nga wala man sang plano nga magpakigkita sa iya ang iya ex-girlfriend.
May yara man sang nagtawag sang pulis apang gin-kwestiyon ini sang lalaki bangud suno sa iya, indi man iligal ang pagluhod sa nasambit nga lugar.
Sang ulihi, nagtindog na ang lalaki bangud posible nga indi na ini maka-agwanta sang tuman nga katugnaw.
Indi pa klaro kun ngaa nga ginbulagan siya sang iya ex-girlfriend.
May yara sang nagahambal nga indi na dapat pagpakahuy-an sang lalaki ang iya nga kaugalingon kag i-let go nalang ang babayi.
Hambal gani nila, kung palangga mo ang isa ka tawo, kinahanglan mo na ini nga i-let go. Indi bangud nga wala ka sang labot, kundi bangud nga na-realize mo nga “they actually deserve better.
