SULTAN KUDARAT – Naaresto sang mga otoridad ang isa ka 26-anyos nga suno pa nagaduso sang droga sa isa ginpatigayon nga drug buy bust operation sa Purok Capilar, Brgy Poblacion, President Quirino, Sultan Kudarat subong nga adlaw, Nobyembre 1, 2024.
Ginkilala ni Police Major Joemari Y Cua, Hepe ng President Quirino Municipal Police Station, ang naaresto nga suspek nga si alyas “Aznhur”, binata, wala sang trabaho, kag residente sang Barangay Lower Edtig, General SK Pendatun, Maguindanao Del Sur.
Suno kay PMaj Cua, alas-12:20 kaina sang kaagahon sang ginpatigayon ang operasyon sang gintingob nga mga operatiba sang President Quirino MPS, Sultan Kudarat Provincial Police Office, kag PDEA 12.
Dugang pa sang opisyal, nakabakal sa suspek ang nag-akto nga poseur buyer sang isa ka silyado nga plastik sang ginapatihan nga shabu kabaylo sang marked money.
Matapos ang transaksyon, gilayon nga gin-arestar ang suspek kag nakuhaan sang pila pa ka pakete sang ginapatiha nga shabu nga nagalab-ot sa 4.42 gramo nga ginabulubanta yara sa Php30,000.
Natalana naman nga magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang suspek.
