Luyag imbestigaran sang Philippine National Police (PNP) ang alegasyon ni anay pangulong Rodrigo Duterte nga may yara ini sang “death squad.”
Suno sa PNP, luyag nila mahibaluan kun may mga miyembro sang PNP nga imbulbado sa “death squad” ni Duterte nga nagapamatay sa mga kriminal nga wala naga agi sa proseso.
Ginpasalig man sang pamunuan sang PNP nga indi ini magpang alang-alang sa tiun mapamatud-an nga may pulis nga imbulbado sa amo nga grupo.
Matandaan nga sa hearing sang Senate Blue Ribbon Committee, ginkumpirmar ni Duterte nga may yara ini sang “death squad” nga ginakatapuan sang mga manggaron nga persona sa Davao kag wala sang pulis nga imbulbado diri.
Kawsa sang mga ini nga patyon ang mga kriminal ilabi na ang mga imbulbado sa droga nga naga biktima sang mga inosente.
