Adlaw-adlaw, kabahin na sang kabuhi naton ang pagkaon sang kan-un.
Ang iban, indi gid kompleto ang isa ka adlaw kun indi makakaon sang manamit kag mainit nga tinig-ang.
Apang, kun paano ini gina-enjoy sang kalabanan, ini naman ang nagahatag sang kahadlok sa isa ka babaye didto sa may Massachussets.
Siya amo si Caroline Cray, 24, nga may yara sang rare chronic illness nga nagresulta kun ngaa allergic ini sa halos tanan nga butang bisan pa ang pagkaon kaangay sang tinapay kag kan-on.
Suno kay Caroline, ang iya nalang ginakaon amo ang ginrekomendar sang doktor- gatas para sa bata kag oatmeal.
Sa pagkamatuod, apisar updanay sila sang iya pamilya sa panyapon, haloson man ini mag-enjoy bangud nga halos bawal sa iya ang ginakaon sang iya pamilya kaangay sang isda, peanuts, sesame, kiwis kag mustard.
Ang ano man nga pagkaon ang posible mangin last supper niya kun indi siya maghalong.
Bisan sa paglagaw, may dala gid ini nga kaugalingon nga balon agud kun abuton siya sang kagutom, may yara ini sang sarang makaon nga safe para kaunon niya.
Sa masami, ginatulok siya sang mga tawo ilabi na kun yara ini sa mga restaurants kag cafe bangud may yara siya sang balunan nga ginasudlan sang iya pagkaon.
