KORONADAL CITY– Ginbawian sang kabuhi ang duha ka mga manunudlo kag isa ka estudyante sa nagluntad nga vehicular accident sa kalabaon sang national higway, Purok 3, Crossing Rubber, Tupi, South Cotabato, pasado alas-9 kagab-i.
Ginkilala ang tatlo ka babaye nga bktima nga sanday Rezile Joy De Padua, 28-anyos, single, instructor sang SEAIT, residente sang Libertad, Poblacion, Surallah, South Cotabato, kag drayber sang motorsiklo; samtang ang mga angkas sini ginkilala kanday Jonaira T. Ambaco, 24-anyos, single, Criminology Student sa SEAIT, residente sang Kematu, Purok Sentro, T’boli, South Cotabato; kag isa ka Glykiel Jade Bico, manunudlo man sang SEAIT, kag residente sang Barangay Zone IV, siyudad sang Koronadal.
Ini ang ginkumpirma ni PSMSGT Rea Gatinao- Information Officer sang Tupi PNP sa interview sang Bombo Radyo Koronadal.
Suno kay Gatinao- Information Officer sang Tupi PNP, ginausoy sang mga biktima nga sakay sang motorsiklo ang national high gikan sa direksyon sang Koronadal padulong sa Tupi, apang pag-abot sa nasambit nga lugar nga ginluntaran, hinali nga nag-overtake ang mga ini gani nabunggo sa nakasugata nga Toyota Hilux Cargo van nga ginamaneho ni Anthony Teloren, 53-anyos, may asawa, drayber sang isa ka telecompany nga gikan naman sa direksyon sang General Santos City padulong sa Koronadal.
Gindala pa sa hospital ang mga biktima nga sakay sang motorsiklo apang gindeklarar na ang mga ini nga dead on arrival bangud sa malala nga mga pilas tuga sang mabaskog nga impact sang pagkabunggo sang mga ini.
Dugang pa ni Gatinao,ulihi nga kita ang isa sa mga biktima matapos nga nagtabog ini sakahilamunan nga malayo sa ginluntaran sang aksidente.
Samtang, gilayon man nga nagsungka sa mga otoridad ang drayber sang Toyota Hilux Cargo kag sa subong nagapabilin sa kustodiya sang Tupi Municipal Police Station.
Kaangot sini, nagapanawagan naman si Gatinao sa tanan nga mangin mahalong agud nga malikawan ang aksidente sa dalanon.
