-- ADVERTISEMENT --

Preparado na ang Philippine Canoe Kayak Dragonboat Federation kag Puerto Princesa City para sa pagpatigayon sang 2024 ICF Dragonboat World Championships nga magasugod sa Oktubre 28 tubtob Nobyembre 4 sa Palawan.

Suno kay PCKDF president Len Escollante, ini ang labing una nga kahigayunan nga magtagbalay ang isa ka Southeast Asian country sa amo nga world event.

26 ka mga pungsod ang kumpirmado nga magapasakop sa torneo nga magaserbe nga qualifying para sa World Games nga hiwaton sa China sa masunod nga tuig.

Paga-agawan sang mga magapasakop ang 54 ka bulawan nga medalya sa 200m, 500m kag 2,000m races.