Gintawag nga diversionary tactics ni Rep. Paolo Ortega ang mga ginahimo ni Vice President Sara Duterte sa iya press conference sang nagligad semana.
Sa turnover ceremony sang mga dokumento halin sa quad comm naghatag ini sang iya opinyon angot sa mga pahayag sang ikaduha nga presidente sa padayon nga hearing sang quad-comm sa drug war, extra judicial killings, kag iban pa kung sa diin naangot ang ngalan sang iya nga amay nga si Presidente Rodrigo Duterte kag iban pa nga mga personalidad halin sa dati nga administrasyon.
Sa piyak nga bahin, ginpahayag sang solon nga ginhimo lang sang komite ang ila nga trabaho kag suno pa saiya makit-an naman daw sa evidence base ang tanan nga ginapagwa nga kamatuuran sa publiko.
Sang pamangkuton ang kongresista angot sa rekomendasyon sang young guns nga psychological assistance sa Bise Presidente, ini lang isa ka suhestiyon kag wala man daw ini sila sang gahum nga magrekomenda.
Samtang, base sa mga nagin interviews ni VP Sara nagkit-an sang mga katawhan nga may ara sang “something wrong” sa kung pano ini magpahayag ang ikaduha nga presidente sang iya nga pahayag sa publiko.
