Hagna nga nagadumili sa softdrinks kag sugary drinks sa mga government offices, ginsumiter sa kamara

Ginsumiter ni Leyte Rep. Richard Gomez ang hagna nga nagadumili sa soft drinks kag iban pa nga sugary drinks sa mga opisina sang gobyerno agud makabulig sa paghatag solusyon sa problem sa diabetes sang pungsod.

Dugang pa diri, ang pagbaligya sang soda kag iban pa nga matam-is nga ilimnon sa mga opisina sang gobyerno ang posible nga magtuga sang diabetes, heart diseases, kag dental problems.

Suno kay Rep. Gomez, kaupod man nila sa pagduso sa hagna ang iban pa nga health policies kag programs kaangay sang inisyatibo sang National Nutrition Council sa pagpasanyog sang healthy eating habits kag kampanya sang Department of Health (DOH) batuk sa lifestyle-related diseases.