Ginhangkat sang mga kongresista si Vice President Sara Duterte nga ipaathag ‘under oath’ kun diin gingasto ang milyones nga confidential fund kag tuman ka mahal nga renta sang mga safe houses nga wala sang dokumento.
Ginpahayag ni House Assistant Majority Leader Paolo Ortega nga ang indi paghatag ni Duterte sang klaro nga mga sabat angot sa mga safehouse kag ang makaduluda nga paggamit sa mga aktibidad sang AFP ang mas nagapainit sa palamangkutanon kun diin nagkadto ang pondo.
Sa pinakaulihe nga hearing sang Committee on Good Government, nahibaloan nga gingamit sang DepEd sa idalom sadto sang pagdumala ni VP Duterte ang sertipikasyon halin sa Armed Forces of the Philippines agud pagwaon nga ang paggasto sang P15 milyones nga balor sang confidential funds sa Youth Leadership Summit (YLS), pero sa testimonya sang mga opisyal sang militar, ginbulgar sang mga ini nga tagsa-tagsa nga gasto kag zero ukon wala sang ginhatag nga pondo si VP Sara.
Ginkaalarma na man nanday House Deputy Majority Leader Jude Acidre kag Ortega ang amu nga impormasyon nga naguwa sa hearing.
Magluwas pa diri, gin-usisa man sang komitiba ang paggasto sang Office of the Vice President (OVP) sang P16 milyones para sa renta sang mga safehouse sa sulod lamang sang 11 ka adlaw sang 2022.
Pila sa safehouses ang nagabalor sang P90,000 tubtub isa ka milyon ka pesos kada adlaw.
