Hugot nga ginpanginwala ni anay pangulong Rodrigo Duterte nga may reward system nga ginpatuman ang iya administrasyon sa away kontra droga.
Suno kay Duterte, padya lang nga pagkaon kag pagtamyaw ang ginahatag sini sa mga pulis nga nagamadinalag-on sa ila nga misyon.
Ginpanindugan man sini nga wala siya nagmando nga magpamatay ang kapulisan.
Matandaan nga ginbuyagyag sa hearing sang House Quad Committee sang malapit sadto kay Duterte nga si retire police colonel Royina Garma nga may cash reward nga ginahyatag sa tagsa ka pagpatay sa war on drugs sang administrasyon ni Duterte. Ini ang may padya nga P20,000 tubtob P1 ka milyon.
Base sa rekord sang pulisya, naglab-ot sa 6,000 ang drug personalities nga napatay sa war on drugs sang nagligad nga adminitrasyon.
