KORONODAL CITY – Malipayon nga ginpakigbahin sang Rank 10 sa bag-o lang gid takop nga October 2024 Optometrists Licensure Examination ang iya nga sakripisyo antes nga nagmadinalag-on kag isa sa mga nagpanguna sa examination.
Sa interview sang Bombo Radyo Koronadal kay Dr.Alexandra Ysabel Alajar, ginpahayag sini nga madamo man ini ang naagyan antes paman tigayon nga nangin doktor.
Suno sa iya, isa sa mga sakripisyo sini nga ginhimo amo ang pagtuonn kag pagtutok sa iya pagtuon.
Ginpahayag man sini nga halos 2 ka oras lamang ang tulog sini kada adlaw agud lang nga matutukan ang tanan nga mga aspeto sa eksaminasyon kag masami man sini nga masakripisyo ang oras sa iya nga pamilya.
Sa pagkamatuod, kinahanglan niya nga unahon ang mag-study kag preparahan ang tanan para sa eksaminasyon nga nangin mabinungahon man bangud sa nakab-ot sini nga kadalag-an.
Madumduman nga si Dr.Alexandra Ysabel Alajar naghalin man sa pamilya sa ng mga espesyalista sa mata.
Ginhatagan man sini sang punto ang pagpati sa kaugalingon sa tanan nga luyag matabo kag pagpaninguha agud nga makab-ot ini.
Si Dr. Alajar ang nag-gradwar sa Koronadal Central Elementary School (KCES I) sang elementarya sini kag Koronadal National Comprehensive High School (KNCHS) sang sekondarya sini.
Lubos naman ang pagpasalamat sini Mahal nga makaako, sa iya pamilya kag sa tanan nga nagpangamuyo agud makapasa siya.
