KORONADAL CITY – Mas ginpahugtan pa sa subong sang pamunuan sang South Cotabato Police Provincial Office (SCPPO) ang pagbantay sa mga entrance kag exit points sang probinsya agud nga matapna ang serye sang motornapping kag carnapping incidents sa probinsiya.
Ini ang gin kumpirma sa Bombo radyo ni PCol. Samuel Cadungon- PD, SCPPO.
Suno sa director posible nga isa ka organisado nga grupo suno pa ang sa likod serye sang carnapping kag motornapping incidents sa South Cotabato.
Suno sa opisyal, isa ka organisado nga grupo ang suspeks sa incidente kag natumod na ini sang mga otoridad sa diin mga inisyal na nga impormasyon ang mga otoridad sa nasambit nga grupo.
Ginpahayag pa sang opisyal nga maga patuman pa sang mas masangkad kag hugot nga checkpoints ang mga otoridad agud nga malikawan kag madali madakpan ang mga kriminal nga yara sa likod sang nasambit nga krimen.
Madumduman ulihi nga nangin biktima sang motornapping ang mga napatay sanday Levimar Moderacion, 33-anyos, may asawa kag residente sang Barangay Paraiso, Koronada City kag Daryll Nuqui, isa ka Grade 12 student, kag residente sang Brgy. Bukay Pait, Tantangan, South Cotabato sang bulan sang Agosto 2024.
Ginhingyo man sang director ang kooperasyon sang tanan agud nga madakpan ang mga suspek kag indi na magluntad pa liwat.
