Kabombo, asta san-o niyo gina store ang inyo nga biskwit sa inyo nga ref?
Sang nagtaliwan ang lola ni Andy Wiseman sang Setyembre 2, 2024 sa edad nga 90, isa ka biskwit ang nakit-an sa sulod sang freezer sang ila lola nga residente sang Virginia, USA.
Suno kay Andy, nakabaton ini sang mensahe halin sa iya nga iloy nga si Linda samtang nagalimpyo ini sang balay sang iya nga lola.
Nakit-an sang iya nga iloy ang isa ka frozen biscuit ukon giref nga biskwit kag may kaupod nga sulat nga ginhimo ang nasambit nga biskit sang tuig 1940 nga gin bake ni Mrs. Dara L. Chambers sang Agosto 1940 sa Blankenship home.
Suno sini, natingala sila kung ngaa gina tago ini sang iya nga lola sa pila na ka tuig.
Sang ginpamangkot ang utod sang ila nga lola, diri nahibaluan nga si Dara L. Chambers ang una nga asawa sang iya isa pa ka utod nga si Harold nga una napatay bag-o ang iya lola.
Dugang pa niya, kun basi iya ini gintago bangud sa iya nga utod nga nagtaliwan for sentimental reasons kag ini naman lang ini ibutang sa ila nga freezer para magin parte nga silver lining sang ila nga pamilya.
