KORONADAL CITY – Ginkoronahan bilang Hiyas ng Pilipinas 2024 ang pambato sang syudad sang Koronadal nga si Ms.Marela Glospeah Juaman.
Nagmadinalag-on si Marela nga ipuli ang korona batok sa 44 ka iban pa nga mga maanyag nga mga lin-ay sa nasambit nga event nga ginhiwat sa SM North Edsa Skydome in Quezon City sang Oct. 13, 2024.
Ginpasa kay Marela ang korona nagikan kay Fatima Kate Bisan nga taga-Sarangani Province nga amu naman sang Hiyas ng Pilipinas 2023.
Magluwas pa sa Hiyas ng Pilipinas nakuha man ni Marela ang Best in “Journey to the Crown” Challenge and Best Advocacy Video kag nakuha man ni Marela ang title nga Miss Tourism World Philippines kag natala nga maga representar sa pungsod sa Miss Tourism World competition.
Nangin First runner-up naman si Ysabel Macuja nagikan sa Makati City kag ginkoronahan bilang Miss Elite Philippines, samtang second runner-up si Rona Lalaine Lopez halin sa Pangasinan kag gin proklamar man bilang Miss Continental World Philippines.
Malipayon naman si Marela sa kadalag-an na nabaton sini.
