Nakabalik na sa pungsod Pilipinas ang apat ka mga Filipino crewmen sang barko nga gin atake sang Houthi rebels sa Red Sea sini lang nga bulan ini suno sa Department of Migrant Workers.
Suno sa Department of Migrant Workers, ang apat ka M/V Minoan Courage Crewmen nakaabot sa Ninoy Aquino International Airport Terminal 3 sang Dominggo, Oktubre 13, 2024.
Dugang pa, sila man ang second batch sang 21 Filipinos for repatriation pagkatapos sila gin-atake sang Houthi rebel samtang sila naga-agi sa Red Sea sang Oktubre 1, 2024.
Ang first batch naman ang 7 seafarers, nga nag abot sa pungsod Pilipinas sang Oktubre 9, 2024 kag ang nabilin pa nga 10 Filipinos ginalauman man nga magapauli sa pungsod Pilipinas.
Dugang sini, makabaton man ini sila sang bulig halin sa Department of Migrant Workers kag Overseas Workers Welfare Administration.
