KORONADAL CITY – Wala na sang kabuhi sang masapwan ang isa ka 9-anyos nga bata nga babaye matapos nga maanod sang mabaskog nga tubig sa suba nga sakop sang Sitio Villa Ellaga, Brgy. Colungulo, Surallah, South Cotabato, Biyernes sang hapon, Oktubre 11,2024.
Ginkilala ang biktima nga si Nicole Pensoy nga residente nasambit nga banwa.
Sandig sa report, naanod ini sa bahin sang Sitio Billa Ellaga kag nasapwan na lamang kaina sang aga sa Sitio Asparagus sa nasambit gihapon nga barangay.
Sang masapwan ang bangkay sang bata gilayon nga nagresponder ang MDRMMO kag MSWDO sang bayan sang Surallah kag ginbuligan nga makuha ini nga nasampay sa kilid na sang suba nga madamo sang rurok sang kahoy.
Sa karon, nagatalangison ang pamilya bangud sa pagkapatay sang biktima.
