Panibag-o nga hugna sang saka sa presyo sang gatong, lauman

Lauman ang panibag-o nga hugna sang pagsaka sa presyo sang gatong sa masunod nga semana kadungan sang nagalala nga tensyon sa Middle East kag paglaslas sang Hurricane Milton sa Estados Unidos.

Suno kay Department of Energy – Oil Industry Management Bureau Director Rodela Romero, posibli magsaka sang P2.00 tubtob P2.30 ang presyo sang kada litro sang gasolina, P2.35 tubtob P2.65 sa kada litro sang kurudo kag P2.45 tubtob P2.55 sa kerosene.

Sa tiun ipatuman sa Martes, ini na ang ika-apat nga sunod nga semana sang pagsaka sa presyo sang kurudo kag kerosene kag ikatatlo naman sa gasolina.