Indi kinahanglan sang mga manunudlo sa pampubliko nga mga eskwelahan nga magtudlo sang masubra sa anum ka oras kada adlaw.
Ini ang nasaad sa Implementation Guidelines for the Rationalization of Teachers’ Workload in Public Schools and Compensation for Teaching Overload nga ginpagwa sang Department of Education (DepEd), sandig sa direktiba ni Pangulong Ferdinand Marcos, Jr. nga iprayoridad ang kaayuhan sang mga manunudlo.
Sandig sa DepEd Memorandum No. 053, s. 2024, nga ginpirmahan ni DepEd Secretary Sonny Angara, indi obligado ang mga manunudlo nga magtudlo sang masubra sa anum ka oras kada adlaw, sandig man sa Magna Carta for Public School Teachers ukon Republic Act No. 4670.
Sa tiun maglapaw sa anum ka oras ang pagtudlo, mahimo ang mga ini makabaton sang “overload pay.”
Kun mas manubo naman sa anum ka oras ang trabaho sang mga ini, mahimo sila tugyanan sang mga teaching-related task, nga nagasanto naman sa ila nga oras nga bakante.
