Ang kapaslawan ni Vice President Sara Duterte nga mapaathag ang ginakuwestyon nga paggasto sang pondo sang Office of the Vice President (OVP) kag Department of Education (DepEd) ang nakita nga rasun ni House Majority Leader Manuel Jose Dalipe sang Zamboanga City sa pagtibusok sang rating sini.
Ang pahayag ni Dalipe ang may kaangtanan sa resulta sang survey sang Stratbase, Inc. kun sa diin nagpanaog sa 29% ang trust rating ni VP Duterte nagikan sa 45% sang Hulyo, ukon pagnubo sang 16% sang Septiembre.
Nagapati ang mamalidha nga ang padayon nga paglikaw sang bise presidente sa pag atubang sa mga akusasyon sang iregularidad sa OVP, pagdumala sini sa DepEd bilang tiglikum kag ang paglikaw sa pagsabat sa hearing sang kongreso ang nagresulta sa pagkadula sang pagsalig sang kadamuan sa amo nga opisyal.
Ini na ang ginakabig pinakadako nga pagsarurot sang ratings sa hanay sang mga nagapanguna nga opisyal sang gobyerno sa pungsod.
