KORONADAL CITY – Magapatigayon sang orientations sa tama nga pag-usar sang mga Vote Counting Machines (VCMs) ang pamunuan sang COMELEC sa nagkalain-lain nga barangay sa syudad sang Koronadal.
Ini ang nangin pahayag ni Atty. Maleiha Usman-Loong, City Comelec Officer sang Koronadal sa interview sang Bombo Radyo Koronadal.
Suno sa iya kabahin lamang ini sa pagbulig sa pagsunod sa mga gintalana nga pagsulundan.
Dugang pa,temprano permi ang ila nga pagpreparar para matapos ang mga nabilin nga Automated Counting Machines kag iban pa nga kinahanglan nga nalakip sa kontrata.
Sa karon nakadul-ong na ang Miru sang 50,000 ka Automated Counting Machines kalakip na ang election peripherals, kag mga bag-o nga printing machines.
Naghimo naman ang mga ini sang training sa ila mga technicians samtang ginapatukod ang 110 ka repair hubs sa bug-os nga Pilipinas.
Pahayag sang miru, nagapabilin sila nga dedikado sa paghatag sang matinlo nga eleksyon sa pungsod.
