Ginkumpirma ni Foreign Affairs Usec. Eduardo de Vega ang report sa Saudi Arabia, angot sa isa ka Pinoy nga ginsentensyahan sang kamatayon.
Suno kay De Vega, kaso nga pagpatay ang ginaatubang sang aton nga kababayan sang mapatay sini ang isa ka Saudi national.
Ginsiling sang DFA, ginhatag sang gobyerno ang tanan nga bulig agod maprotektahan ang nasambit nga Pinoy, apang nagin mabug-at ang ebidensya amo bitay ang ginpataw nga desisyon saiya.
Nagbalibad ang opisyal nga i-athag ang iban pa nga impormasyon angot sa nasambit nga issue, bilang respeto sa hangyo sang pamilya sini sa Pilipinas.
Samtang, padayon nga ginabuligan sang DFA ang iban pa nga Pilipino sa Saudi kag mga pungsod nga may ara sang Pinoy nga yara sa death row.
Ginsabat sang gobyerno ang legal services para sa mga ini, agud mapasiguro nga nadepensahan sila sa mga gina-atubang nga isyu.
