Nagpatigayon sang state visit sa Timor Leste si Justice Secretary Jesus Crispin Remulla kaupod ang pila pa ka mga opisyales sang Department of Justice (DOJ) kag nagsugilanon kay President José Ramos-Horta.
Sa tunga ini sang padayon nga pagka-delay sang pag-turn-over kay anay Cong. Arnolfo Teves Jr. sa Philippine authorities.
May kaangtanan ini sa kaso ni Teves nga multiple murder sa Pilipinas bilang mayor nga akusado sa pagpatay kay anay Negros Oriental Governor Roel Degamo.
Naistoryahan man sang duha ka mga opisyal ang natuhoy sa critical diplomatic kag security issues.
Ginpalab-ot man ni Remulla ang natuhoy sa pag-ban sang Pilipinas sa operasyon sang Philippine Offshore Gaming Operators (POGOs).
Ginpaathag sang tiglikum sa presidente sang Timor Leste ang epekto sa domestic affairs sang POGOs gani dapat na ini nga maghalong sa pagbaton sang kasubong sini nga operasyon.
