Ginkalipay sang Commission on Elections ang masobra doble nga numero sang mga nagpa-rehistro nga botante sa kabug-usan nga voter registration nga natapos sang Setyembre-30.
Suno kay Comelec Spokesperson Atty. Rex Laudiangco, tatlo ka milyon nga registrants lamang ang target sang komisyon sang gibuksan ang registration period sang Pebrero. Ang nasambit nga target amo ang bag-o nga botante, mga magpapa-reactivate, maga-ilis sang presinto, kag iban pa.
Antes magsira ang registration masobra 6.9 million ang narekord sang Comelec nga aplikasyon.
Madako nga pagtaas ini ukon masobra 3 million ang bag-o ukon first timer voters.
Suno sa Comelec, ang halos pito ka milyon nga aplikasyon nga ila nabaton sa kabug-usan nga registration period ang tanda sang interes sang mga Pilipino nga makigbahin sa nagahilapit nga eleksyon.
