Maabtik nga nakit-an sang pila ka netizens nga gin-unfollow sang aktres nga si Nadine Lustre ang iya ex-boyfriend nga si James Reid sa Instagram, kag ang celebrity sisters nga sanday Issa kag Yassi Pressman.
Nagagwa man nga ginkuha ni Yassi ang actress-singer sa iya following list nga nagdugang pa sa huring-huring nga may away ang mga ini. Samtang, sanday Issa kag James ang naga-follow pa kay Nadine.
Sila ang na-ulamid sa madugay na nga kontrobersiya sang nagsugod sa pagsuspetsa ang netizens nga si Issa ang rason nga nagbulagay sanday Nadine kag James sang 2020, nga ginpanginwala naman ni Yassi pinaagi sa Instagram post kun sa diin, makita nga nagakadlaw kag nagakaon sia upod sa ‘Diary ng Panget’ star.
Sang nagligad nga tuig, ginsapubliko nanday James kag Issa ang ila relasyon kag magkaupod nga nagtambong sa mga interviews kag events.
Gin-athag ni James nga wala sang labot si Issa sa pagbulagay nila sang iya anay partner. Ginpabutyag man sini nga indi na niya luyag nga maka-upod sa proyekto si Nadine.
