Nasurpresa ang pila sa mga fans sang anay “Pinoy Big Brother (PBB)” housemate nga si Carolyn Batay, ukon Carol Batay, matapos ini nga magserbe bilang Chinese interpreter sa Senate inquiry natuhoy sa Philippine Offshore Gaming Operators ukon POGO hubs, Martes, Sept. 24.
Ang hearing gintambongan sang businessman nga si Tony Yang, nga nagpahayag nga kinahanglan niya sang interpreter bangud indi sia makahibalo maghambal sang lenggwahe nga Filipino, English, ukon Bisaya.
Si Carol ang nagbulig sa mga Senador agud nga mahibaluan ang English translations sang mga pahayag ni Yang sa pulong nga Chinese.
Bulan sang Mayo sang una nga nagtambong si Carol sa hearing sang Senate Committee on Women, Children, Family Relations, and Gender Equality natuhoy sa POGO sa diin gin-post niya ini sa Instagram kag ginpabutyag nga indi sia makapati sa imbitasyon nga iya nabaton bilang interpreter.
Sang amo nga tion, naghimo si Carol sang live interpretation sang Fookien sentences nga ginahambal ni dismissed Bamban, Tarlac Mayor Alice Guo nga kilala man sa Chinese name sini nga Guo Hua Ping.
Matandaan nga tuig 2009, sang magpasakop si Carol sa reality TV show nga “PBB” sa diin nalakip sa iya nakaupod nga mga housemates sanday Melai Cantiveros kag Jason Francisco.
Matapos ang iya stint sa TV show, nagpadayon ang Filipino-Chinese bilang events host, Chinese interpreter, kag language instructor
