Nagsigabong ang Minahan sang Uling sa Probinsya sang South Khorasan sang Iran nakapatay sang halos 51 katao kag 20 ang pilasan.
Suno sa ila state media, ang aksidente gindul-ong sang pagsigabong sa methane gas sa duha ka blocks, ang B kag C, sa mina nga ginapadalagan sang kumbuyuhan sang Madanjoo.
Dugang sini, may yara sang 69 nga trabahante ang ara sa blocks sang oras sang pagsigabong. Natabo ang pagsigabong pasado alas 9 sa gab-i sang September 21.
Suno pa sang Gobernador sang Probinsiya sang South Khorasan nga si ALi Akbar Rahimi sang September 22, 76% sang uling sang Iran halin sa sini nga rehiyon kag may 8 tubtob 10 ka dalagko nga kumbuyuhan sang naga trabaho diri kasali diri ang kumbuyuhan sang Madanjoo.
Gin pahayag man sang presidente sang Iran nga si Masoud Pezeshkian nga nagahatag siya sang pagpalamuyo sa pamilya sang mga biktima kag himuon nila ang makaya nila para makabulig kag para sa dugang nga mga detalye.
